Kaise kah dun ki mulaaqaat nahin hoti

Kaise Kah Dun Ki Mulaaqaat Nahin Hoti Hai
Roz Milate Hain Magar Baat Nahin Hoti Hai
Aap Lillaah Na Dekhaa Karen Aainaa Kabhi
Dil Kaa Aa Jaanaa Badi Baat Nahin Hoti Hai
Chhup Ke Rotaa Hun Teri Yaad Mein Duniyaa Bhar Se
Kab Meri Aankh Se Barasaat Nahin Hoti Hai
Haal-E-Dil Puchhane Vaale Teri Duniyaa Mein Kabhi
Din To Hotaa Hai Magar Raat Nahin Hoti Hai
Jab Bhi Milate Hain To Kahate Hain Kaise Ho “Shakeel”
Is Se Aage To Koi Baat Nahin Hoti Hai