Kon hai kyaa kahaan hai kabhee samjhaa

Kon Hai‚  Kyaa Hai‚  Kahaan Hai? Kabhee Samjhaa To Naheen
uss Ko Sochaa To Bohat Hai, Kabee Dekhaa To Naheen
Shauq Se Dekh Tamaashaa.E.Junoon.E.Ulfat
Parda.E.Dil Hai, Ko’ee Parda.E.Ka’ba To Naheen!
Her Gharee Aik Kasak Dil Ke Qareen Rehtee Hai
Sochtaa Hoon Yeh Tiree Yaad Kaa Saayaa To Naheen?
Khanda.Zan Kyon Hain Shab.E.Hijr Yeh Mujh Per Aflaak?
Girya.E.Neem.Shabee Ko’ee Tamaashaa To Naheen!
Raushanee Hai Ufaq.E.Zeest Pe Her Soo Kaisee?
Muntazir Jiss Kaa Hoon Kab Se Voh Saveraa To Naheen?
Roz.O.Shab Sang.E.Sitam, Shaam.O.Sahar Rusvaa’ee
:shauq Jeene Kaa Hai Mujh Ko, Magar Itnaa To Naheen!:
Pursish.E.Gham Say To Zakhm Aur Harey Hote Hain
Rasm.E.Dunyaa Mire Ashkon Kaa Madaavaa To Naheen!
Bazm.E.Aghyaar Mein :sarwar: Yeh Khamoshee Kaisee?
Tujh Ko Be.Mehree.E.Ehbaab Kaa Shikwaa To Naheen?