Kuch iss tarah se janaan tere gum

Kuch Iss Tarah Se Janaa.N, Tere Gum Ne Mujhe Sambhala Hai
Jaise Ke Nanhi Kaliyon Ko, Kissi Baagbaa.N Ne Paala Hai
Kuch Iss Tarah Se Tera Naam,Meri Zindgi Me Shaamil Hai
Jaise Ke Kaali Raaton Me , Bas Chaand Ka Ujaala Hai
Tanhaiyon Ke Saagar Me, Bas Doob He Gayaa Tha Main
Tanhaaiyon Ke Saagar Se, Tere Gum Ne Mujhe Nikaala Hai
Jab Bhi Kissi Jhamele Me,Maine Khudko Fansa Paaya Hai
Bas Tere Naam Ka Sikka, Maine Jaan-E-Jaa.N Ucchala Hai
Kya Haal Ho Gayaa Hai Mera, Teri Aarzoo Ke Bistar Me
Na Jism Ko Koi Bhookh Hai,Na Muh Me Nivaala Hai
O Ishq Ki Talaash Me Rishtey Badalne Waale Sun
Ishq Ret Ka Samander Hai, Bin Motiyon Ki Maala Hai
Raat Khatam Ho Rahi Hai Chalo Neend Ke Samandar Me
Panchi Chahakne Lag Pade, Nayaa Din Nikalne Waala Hai