Kyon nai chaahta hai yeh dil kuch

Kyon Nai Chaahta Hai Yeh Dil Kuch,
Is Ke Jazbaat Kyon Mar Gaye Hain.
Aur Woh Janaab Humein Bigaad Ke,
Khud Hain Ki Sudhar Gaye Hain.
Kyon Nahi Hoti Hai Dil Me Gudgudi,
Kisi Aur Kamsin Ki Nigaahon Se,
Kyon Dil Nahi Karta Lipatne Ka,
Kisi Aur Hasina Ki Baahon Se.
Kyon Likhe Ja Raha Hun Ye Betuke Nagme,
Jab Wohi Padhne Ko Taiyaar Nahi Hain,
Kyon Jiye Jaa Raha Hun Bewajah,
Jab Sath Jeene Ko Yaar Nahi Hai.
Kyon Lagta Hai Aaj Bhi Dil Ko,
Ki Woh Kisi Mushkil Mein Hain,
Kyon Tod Dun Mai Yaar Ki Tasveer,
Jo Arse Se Basi Mere Dil Me Hai.