Kyun kalanqit kar raha purus iss samaaj

Kyun Kalanqit Kar Raha Purus
Iss Samaaj Ko, Iss Aakaash Ko
Kyun Bali Chada Raha Hain
Har Gali Har Chaurahey Mein
Manmaani Karta Hai Har Pal
Jaan Leke Ekk Nanhi Kahani Kii
Kya Tujhe Darr Hain Kisi Chunauti Kaa
Jo Tu Seeney Se Lagaye Baitha Hain
Tu Khuda Nahin, Naa Hee Tu Jinn Hain
Kal Ko Tu Bhala Aaj Kaise Dekh Payega
Chord De Fiqar Kii Kal Dahej Dena Hain
Aaj Ko Tu Jee, Aaj Tere Saamney
Ekk Maasoom Kaa Janm Hoga
Bhul Ja Kya Hua Tha Kal
Matt Soch Kya Hoga Kal
Tu Aaj Ko Sweekaar Kar
Tera Aaj Hee Banayega
Kal Kii Hari-Bhari Zameen Ko
Choti Si Iss Zindagi Ko
Matt Dhakel Apni Soch Ko
Kisi Andhere Kuwain Mein
Jahan Koi Kahani Nahin
Ghoomtey Chakra Mein
Ekk Boond Paani Bhii Nahin
Sukha Diya Hain Waqt Ne
Lehraati Fasal Ko Jahan.
Matt Kar Kalanqit Iss Samaaj Ko
Uss Purush Ko Jisney Pooja Hai
Apni Maa Ko , Jo Janm Deti Hain
Isi Samaaj Ko, Iss Khuda Ko
Uss Jinn Ko Jo Qaid Hain
Kisi Awaara Chirag Mein
Yaad Kar Uss Behan Ko
Jisne Baandha Ttha Pyaar
Kisi Raakhi Ke Roop Mein
Baandha Ttha Ekk Vaadey Ko
Tere Majboot Haathon Mein
Jiske Badley Usne Chahi Thi
Surakhsha Yahan Jeene Ke Liye.
Maang Tuney Bhi Bhari Thi Kisi Kii
Laya Ttha Shaan Se Tu Kisi Kii Izzat
Saath Zindagi Bhar Nibhahunga
Sunhairey Aksharon Se Likha Tuney
In Teen Rishton Ko Tuney Pehchaana
Maa, Behan Aur Biwi Ko Maana
Magar Uss Komal Se Rishtey Ko
Kaise Bhool Sakta Hai Tu
Jo Farishtey Ka Roop Liye
Aaney Wali Hai Dharti Per
Aaj Beti Naam Hai Uska
Kal Ko Behan Kehlaayegi
Samay Ko Jeetkar Ekk Din
Woh Maa Kaa Farz Nibhayegi.
Mujhe Yakeen Hai Tu Abhi Toota Nahin Hai
Tujhe Vishvaas Ban-Na Hain
Har Rishtey Ko Samajhna Hain
Yeh Duniya Teri Raheygi
Yeh Rishtey Tere Apne Honge.
Aayega Jo Woh Kaun Hoga
Jo Aayega Woh Tera Hoga
Jab Bhii Aayega Yakeenan
Tera Apna Lahoo Hoga.