Lauta do meri wo sab raatein jo

Lauta Do Meri Wo Sab Raatein Jo Bas
Tumhare Hi Khayaalon Me Gujari Maine,
Do Hisaab Meri Un Choton Ka Jo
Chotein Tumhaari Baaton Se Paai Maine,
Lauta Do Mera Wo Bachpan
Jo Tumhaari Chaahat Ke Chalte,
Bewaqt Hi Jawaan Ho Gaya,
Lauta Do Mera Wo Dil Jo
Ik Umr Hui Mujhse Juda Ho Gaya,
Lauta Do Mera Wo Har Intzaar
Jo Bas Maine Tumhaare Khaatir Kiya,
Lauta Do Mere Wo Rumaal
Jinhone Tumhaari Aankhon Ko
Kabhi Bhi Nam Na Hone Diya,
Kya De Paaoge Tum
Mujhe Meri Pehchaan Waapas,
Wo Yaaron Ki Mehphilein
Wo Aawaara Sa Mast Insaan Waapas,
Gar Nahi To Phir Kyon Lautate Ho
Ye Sukhe Bekhushbu Gulaab Waapas
Ye Puraane Khat, Ye Tasweerein
Or Mere Saare Uphaar Waapas.