Maray saath tum bhi duaa karaoyoun kise

Maray Saath Tum Bhi Duaa Karao,Youn Kise Kay Haq Main Bura Na Ho
Kahieen Aur Na Ho Yah Haadsa, Koie Raastay Main Judda Na Ho
Sar-E-Shaam Tharie Hui Zameen ,Jahan Aasmaan Hay Jhukka Hua
Us Morr Pay Maray Wastay, Who Charagh Lay Kar Khara Na Ho
Marie Chatt Say Raat Kie Saij Taak,Koie Ansoo-On Kie Lakeer Hay
Zara Barh Kay Chand Say Poochna,Who Istaraf Say Giya Na Ho
Ishie Ahtiyaat Main Who Raha,Ishie Ahtiyaat Mai Main Raha
Who Kahan Kahan Maray Saath Hay Kise Aur Ko Pata Na Ho
Who Farishtay Aap Talash Karain Kahaniyoun Kie Kitaab Main
Jo Burra Kahain Na Burra Sunain,Koie Shaks Unn Say Khafa Na Ho
Who Faraaq Ho Kay Wisaal Ho,Tarie Aag Mahkay Gie Ek Din
Who Gulaab Bun Kay Khilay Gaa Jo Charagh Bun Kay Jalaa Na Ho