Meethi boli pankh sunahre kad me mujhse

Meethi Boli Pankh Sunahre Kad Me Mujhse Bhi Bhari
Mujhme Ik Panchi Rahta He Chahka Nahi Kai Din Se Wo
Bahut Paresha Rahta He Abhi Abhi Wo Jawan Hua He
Ud Jane Ki Jid Karta He Mujhme Hi Wo Kitna Khush Tha
Jane Kyo Rootha Rahta He Kahta He Tum Jhunthe Ho
Wo Pariya Kaho Kaha Rahti He Sawan Me Wo Baag Me Jhole
Sathi Sabhi Kaha Rahte He Me Kese Usko Kah Du Ki
Wo Sab Jhunthe Wade The Na Jhule He Na Bagiya He
Na Sathi He Na Pariya He Yahaa Jhuth Fareb Ke Angan He
He Pedo Me Fansi Ke Fande Har Dil Beehad Basta He
Ghar Ghar Matam Rahta He Yahaa Pyar Se Sab Anjaane He
Nafrat Har Dil Faili He Dharm Naam Ki Bimari Ne
Lakho Jaane Le Li He Kahi Baccha Bhoonkh Se Marta He
Koi Jism Bechkar Jita He Jivan Ke Koi Arth Nahi
Har Jivan Dhoya Jata He Pal Pal Jine Ki Kimat Me
Imaano Ko Khota He Me Usko Kese Samjhaun
Bahut Sakun He Us Dunia Me Jisme Wo Khoya Rahta He
Mujhme Ik Panchi Rahta He