Mein jidhar gaya jahan gaya mere saath

Mein Jidhar Gaya, Mein Jahan Gaya Mere Saath Thaa
Wahi Ek Chehra-E-Meherbaan
Voh Jo Ek Saya-Abr Thaa Sir-E-Aasmaan Pas-E-Her Gumaan
Voh Jo Ek Hirf-E-Yaqeen Thaa Mere Her Safar Ka Ameen Thaa

Voh Jo Ek Baagh-E-Erum Numa, Sabhi Mausamon Mein Hara Raha Voh Ujar Gaya
Voh Jo Ek Dua Ka Chiraagh Sa , Mere Raaston Mein Jala Raha Voh Bikhar Gaya
Mere Gham Ko Jar Se Ukharta Voh Jo Ek Lams-E-Azeez Thaa
Kisi Kapkapate Se Haath Ka, Voh Naheen Raha
Voh Jo Ankh Rehti Thee Jaagti Mere Naam Per Vohi So Gaee
Voh Jo Ek Dua-E-Sakoon Thee Mere Rakht Mein Vohi Kho Gaee