Mere haal pe yun na muskuraa mujhe

Mere Haal Pe Yu.N Na Muskuraa Mujhe Is Sazaa Ka Alam Nahii.N,
Terii Rukhsatii Pe Ae Jaan-E-Jaa.N Mujhe Gham Yahii Hai Ki Gham Nahii.N,
Merii Bandagii Ki Binaah Pe Tujhe Paa Sakuu.N Ye Khayaal Hai,
Mujhe Aetbaar-O-Yaqeen Hai,Ye Gumaa.N Nahii.N,Ye Bharam Nahii.N,
Ye Shiqast Bhii Kyaa Shiqast Hai,Naa Fanaa Huye,Na Rihaa Huye,
Dil-E-Tang Pe Hai Ajab Sitam Ke Sitam Bhi Ab Toh Sitam Nahii.N,
Meraa Waqt Hi To Raqeeb Thaa Jo Jigar Ki Dasht-O-Zameen Par,
Kayii Kaafile To Chale Magar Kahii.N Koii Naqsh-E-Qadam Nahii.N,
Wo Guzar Gayaa To Guzar Gayaa,Jo Nahii.N Milaa To Nahii.N Milaa,
Merii Zindagi To ‘Kasak’ Sifar* Pe Shuruu Huii Hai Khatam Nahii.N