Mere sabr ka na le imtehan meri

Mere Sabr Ka Na Le Imtehan
Meri Khamoshi Ko Sada Na De
Jo Tere Bagair Na Jee Sake
Use Jeene Ki Tu Dua Na De
Tu Azeez Dil-O-Nazar Ke Hai
Tu Qareeb Rag-O-Jaan Se Hai
Mere Jism-O-Jaan Ka Ye Fasla
Kahin Waqt Or Bada Na De
Tujhe Bhool Ke Na Bhula Saku
Tujhe Chah Ke Bhi Na Pa Saku
Meri Hasraton Ko Shumaar Kar
Meri Chahaton Ka Sila Na De
Wo Tadap Jo Shola-E-Jaan Me Thi
Mere Tab Badan Se Lipat Gyi
Jo Bujha Sake To Bujha Ise
Na Bujha Sake To Hawa Na De
Tujhe Gar Milein Kabhi Fursatien
Meri Shaam Phir Se Sanwar De
Jo Qatal Karna Hai To Qatal Kar
Yoon Judaiyon Ki Saza Na De