Meri jaagti aankhon ko tum khwaab dikhatay

Meri Jaagti Aankhon Ko Tum Khwaab Dikhatay Kyon Ho
Torna Hi Agar Tai Hai Tu Talluqa’at Barhatay Kyon Ho
Jab Theharna Hi Thaa Mere Chehray Per Udaseyoo Ki Tarha
Tu Ashq Ban Ke Meri Aankhoon Mein Phir Atay Kyon Ho
Hum Khud Hi Nikal Jate Hain Teri Bazm Se Humdam
Humein Uthane Ka Ilzam Apne Sar Lagaatay Kyon Ho
Gir Ke Sambhalne Ka Mujhe Shauq Tu Hai Phir Bhi
Meri Raahon Se Chiragon Ko Tum Bhujatay Kyon Ho
Tu Hamdard Hai Tu Haal Mera Dushmanoo Se Pooch
Dostoo Ki Gawahi Pe Mujhe Saza Sunatay Kyon Ho
Gar Koi Rishta Nahee Mujh Se, Dil Tor Do Ek Lakht Mera
Yun Aahista Aahista Aur Bhi Deewana Banatay Kyon Ho
Tumhein Chaahana Gar Jurm Hai, Tu Aaoo Saza Do Mujhe
Tum Chup Reh Kar Mujhe Is Qadar Sataatay Kyon Ho
Waada Hai Na Sunayenge Haal-E-Dil Apna Tumhein
Apni Nazroo Ko Yun Hum Se Churaatay Kyon Ho
Mere Jazbatoon Ne Teri Yaadoon Ki Bhi Hifazat Ki Hai
Yeh Khud Bebas Hain, Inhein Ilzaam Lagatay Kyon Ho