Mohabbat mer chuki ab tou main uss

Mohabbat Mer Chuki Ab Tou, Main Uss Ko Bhool Ker Khush Hoon
Badalti Rut Ke Baa`is Tabiyat Kuch Muzmahil Si Hai
Yuun Mera Haal Mat Poocho, Main Uss Ko Bhool Ker Khush Hoon
Meray Lehjay Pe Mat Chounko, Meri Aankhon Mein Mat Jhaanko
Wohi Tha Aik Dunya Mein Ke Uss Ke Baad Mer Jatay
Yuun Hairat Se Nahin Dekho, Main Uss Ko Bhol Ker Khush Hoon
Tumhain Kya Weham Hai, Kyun Raat Bhar Milnay Nahin Aatein
Aye Meri Neend Ki Paryon Main Uss Ko Bhool Ker Khush Hoon
Bhala Roz Kyun Baahain Waa Kiye Milnay Ko Aati Hai
Tum Uss Ki Yaad Se Keh Do, Main Uss Ko Bhool Ker Khush Hoon
Udaasi Saray Ghar Main Phailti Jati Hai Gham Ban Ker
Dar-O-Deewar Per Likh Do, Main Uss Ko Bhool Ker Khush Hoon