Muhabbat ka anjam bhi kya khoob hota

Muhabbat Ka Anjam Bhi Kya Khoob Hota Hai,
Koi Mushqe-Khushbu To Koi Mahaz Khwab Ho Jata Hai.
Ishq Ke Saagar Me Wafae-Sadaf Ki Tamanna Rakhna,
Tanha Kashtiyon Ke Liye Girdaab Ho Jata Hai.
Ek Paakizah Ki Muhabbat Me Yoon Sharafat Aa Gai,
Raah Chalta Musafir Bhi Ahbaab Ho Jaat Hai.
Chaandni Bhi Hairaan Hai Mere Mahboob Ke Noor Se,
Aanchal Kya Hatata Hai Aaftaab Ho Jaata Hai.
Door Ho Ke Bhi Humdum Dil Ke Kareeb Hai Itna,
Yaad Karoon To Khud Aankhon Me Sailaab Ho Jata Hai.
Socha Tha ‘Shaad’ Ajnabi Banke Niklenge Raahon Se,
Wo Aae Jo Saamne To Bas Aadaab Ho Jaata Hai..