Na sheher mein gali ghar rehta hai

Na Sheher Mein Na Gali Mein Na Ghar Mein Rehta Hai
Woh Mere Sath Hamesha Safar Mein Rehta Hai
Qadam Qadam Pe Ugaata Hai Ped Raahat Ke
Woh Chhao Ban Ke Meri Reh-Guzar Me Rehta Hai
Biyaz-E-Sham Me Rehta Hai Woh Gazal Ki Tarah
Misaal-E-Hamd Kitab-E-Seher Me Rehta Hai
Mujhe Suroor Usi Ka Hai Woh Nasha Ban Kar
Mere Wajood Ke Deewar-O-Darr Me Rehta Hai
Woh Ek Chehra Nahi Hat.Ta Saamne Se Kabhi
Mai Aankhein Moond Lu Phir Bhi Nazar Me Rehta Hai
Woh Mre Jism Me Rehta Hai Is Tarah Shab-O-Roz
Ke Saaya Jis Tarah Chhup Kar Shajar Me Rehta Hai
Gazal Sunata Hai Jab Bhi Saba Mehfil Me
Ek Ek Shair Maheeno Khabar Me Rehta Hai .