Oonchi chat hai jiski shehar mein yeh

Oonchi Oonchi Chat Hai Jiski, Shehar Mein Yeh Ghar Kiska Hai?
Kisne Bheja Hai Khat Humko, Aur Yeh Kabootar Kiska Hai?
Pehle Uske Waar Ko Apne Seene Par Hum Jhelenge,
Phir Iss Par Bhi Gaur Karenge Peeth Mein Khanjar Kiska Hai?
Jhuk Chuka Hai Haar Chuka Hai Talwaaren Bhi Tooti Hai,
Phir Bhi Dushman Kaanp Raha Hai, Aakhir Lashkar Kishka Hai?
Meri Aankhon Mein Padh Paye Dil Ka Harr Chota Sa Ghum,
Phir Bass Aage Badh Jaaye Dil Aisa Patthar Kiska Hai?
Apna Ek Savaal Hai “Talib” Hal Kardo Tab Hum Jaane,
Tere Shabistan Mein Chota Sa Ghum Ka Daftar Kiska Hai?