Parvatton ke beecho beech aakaash ko choomta hua

Parvatton Ke Beecho-Beech
Aakaash Ko Choomta Hua Ek Sapna Pal Raha Hai,
Jahan Main Neend Mein Hoon
Wahin Parvat Bhi Dhundd Ki Chaadar Liye So Raha Hai.
Laakhon Sainik Ghodon Ki Thaap Pe
Bhaale Liye Karne Chaale Hain Khoon Uss Ehsaas Ka,
Girtey-Partey Rotey-Rotey
Kaagazon Mein Syahi Bharkar Kissa Bana Itihaas Ka.
Meri Khaatir Kuch Tow Bolo
Main Chalun Kya Saath Tumhare Uss Kaale Aakaash Tak,
Aise Chup Na Baitho Tum
Bolo Mujhe Chalte Chalo Iss Zameen Ki Saans Tak.
Na Tumhne Rehna Umr Bhar
Na Duniya Chalegi Raat Ki Parchaayee Bankar,
Kab Tak Ghane Kohre Mein Simtogey
Likh Hee Daalo Shabd Kuch Naye Chunkar.
Dekhlo Sindoor Tumhara
Ab Chamakta Hai Andhere Mein Roshni Bankar,
Naam Ki Jiske Maang Tumhne Bhar Daali
Ab Sada Jee Lena Tum Maasoom Sa Vishwaas Bankar