Rona bhi jo chahain to woh ronay

Rona Bhi Jo Chahain To Woh Ronay Nahi Deta
Woh Shakhs To Palkain Bhi Bhigone Nahi Deta
Woh Roz Rulata Hai Humain Khwaboon Main Aaker
Sona Bhi Jo Chahain To Woh Sone Nahin Deta
Yeh Kis Ke Ishare Pe Umand Aaye Hain Baadal
Hai Kaun Jo Baarish Kabhi Hone Nahi Deta
Aata Hai Khayaalon Main Mere Kaun Yeh Akser
Jo Mujh Ko Kisi Aur Ka Hone Nahi Deta
Is Darr Se Ki Kahin Todker Aansu Na Bahayen
Bachon Ko Main Mittti Ke Khilone Nahi Deta
Ek Shakhs Hai Aisa Meri Basti Main Abhi Tak
Jo Bojh Akeley Mujhe Dhone Nahi Deta