Samandar raat tanha chaand taray aik jesay

Samandar Raat Tanha Chaand, Taray Aik Jesay Hain
Tumharay Hijr Mein Saray Nazaray Aik Jesay Hain
Bas Ik Tum Ho Jo Meri Baat Ko Sunntay Samajhtay Ho
Wagarna Dost Tou Saaray K Saray Aik Jesay Hain

Tumhara Saath Qismat Mein Likha Hai Ya Nahin Likha
Muqaddar K Abhi Tou Sab Isharay Aik Jesay Hain
Tumhain Dhoondhoon Gi Main Kesay Koi Pehchaan Bhi Tou Ho
K Iss Sehra Mein Saray Gham K Maray Aik Jesay Hain
Innhi Mein Say Koi Kal Chaand Ban Kar Jagmagaye Ga
Abhi Tou Kehkashan K Sab Sitaray Aik Jesay Hain.