Subha ka jhonka teri yaad ki kirnen

Subha Ka Jhonka Teri Yaad Ki Kirnen Sang Apney Laaya Hai
Kirnun Ka Yeh Purnoor Libada Main Ne Tan Pe Sajaya Hai.
Dhal Chuke Shaam Ke Saayey,Panchi Bhi Ghar Lout Gey
Teri Raah Mein Beth Ke Ham Ne Aankhon Ka Deep Jalaya Hai.

Sun Aa Kar Tuu Bhi Kabhi Roodad-E-Gham-E-Hijar Meri
Teri Yaadon Ki Khushbo Se Ham Ne, Dil Ka Shehar Basaya Hai.
Dil Ka Soda Naqad Kiya, Ham Dil Ki Baazi Haar Gey
Dil Ka Kiya Itbaar Karen Ham,Yeh To Tera Saaya Hai.
Tujh Se Bichar Kar Zinda Hain,Par Sare Khwaab Adhorey Le Kar
Bisaat Bhar Aey Dost Ham Ne,Ehd-E-Mohabbat Nibhaya Hai.
Samjhey They Jala Kar Dar-O-Dewaar,Kuch To Roshni Ho Gi
Kisi Se Kiya Shikwa Karen,Apne Haathon Ghar Jalaya Hai.
Gar Socho To Hai Yeh Izhaar-E-Tamanna Ka Andaaz Niraala
Hamesha Ki Tarah Na Samjho Ke,Ham Ne Sher Sunaya Hai.
Bhigo Dale Hain Anchal,Phailta Rehta Hai Aankhon Mein Kaajal
Jab Se “Rimjhim” Ne Dil Apna, Tere Sang Lagaaya Hai.