Swar nahi dena aata mujhe bhawanao ko

Swar Nahi Dena Aata Mujhe Bhawanao Ko Tum Samajhte To Ho
Nih-Swar Sabdo Ki Bhasha Hai Jo Mujhe Aati Hai Tum Jante To Ho
Main Nahi Keh Sakta Kisi Se Hriday Ki Vyatha
Main Nahi Keh Sakta Kisi Se Antar Ki Kathatumhe Hai Pata
Atm-Vishvash K Jis Vishal Rath Par Hokar Sawar Main Nikla Tha Vijay Ko
Mastishk Aur Hriday Rupi Ashva Uske Mar Gaye Marubhumi Mein
Chaturmukhi Pratibhao K Sare Pahiye Ho Gaye Vidirn Pashano Se
Mahatw-Akanksha Rupi Sarthi Nein Bisar Di Apni Kala Hokar Shok Santapt
Ab Main Jo Akela Thaka Dho Raha Hun Jiwan Ko Apne Vyathit Kaandho Par
Ho Chukka Hun Nih-Shabd Bhool Chukka Hun Paribhashaye Sabhi Bhawanao Ki
Vishvash Kho Chukka Hun Sambandho Aur Swyam Se
Naa Hansu To Kya Karu Tum Vyakool Ho Sun Ne Mere Bhaw Poorn Sabd
Main Jo Nih-Sabd Hokar Swar-Hin Hokar Sikh Gaya Hun Sun Na
Swar Sabhi Nad Athawa Anad Sunta Hun Samajhta Bhi Hun
Parntu Kshama Karna Nahi Hai Mere Paas Wo Sabd Jo Tumhari Bhasha Hai
Nahi Hai Mere Paas Wo Bhaw Jo Tumhari Jigyasha Hai Nahi Hai Wo Sparsh Jo Tumhari Abhilasha Hai
Samajhte Kyu Nahi Jab Jal Se Bhara Ye Sagar Nahi Bujha Sakta Swyam Apni Hi Pyas
Tumko Kaha Se Karega Tust Sagar To Swyam Janmo Se Pyasa Hai