Taskeen na ho jis se wo raaz

Taskeen Na Ho Jis Se Wo Raaz Badal Dalo,
Jo Raaz Na Rakh Paye Hamraaz Badal Dalo,
Tum Ne Bhi Suni Hogi Badi Aam Kahawat Hai,
Anjam Ka Jo Ho Khatra Aghaz Badal Dalo,
Pur-Soz Dilon Ko Jo Muskan Na De Paye,
Sur Hi Na Mile Jis Mein Wo Saaz Badal Dalo,
Dushman Ke Iradon Ko Hai Zahir Agar Karna,
Tum Khel Wahi Khelo Andaz Badal Dalo,
Aye Dost Karo Himmat Kuch Door Sawera Hai,
Agar Chahte Ho Manzil Tu Parwaaz Badal Dalo.
By Belal Nawaz Fahmi