Teri yaad me harpal kaise beetaaye tu

Teri Yaad Me Harpal Kaise Beetaaye,
Tu Naa Jaane Oon Palonme In Aankhone Aansoo Kitne Bahaaye,
Dil Ke Tukde Hue Hazaar,
Har Tukdon Me Hume Tum Nazar Aaye.
Bas Yahi Sawal Hai,
Kyun Tuje Kabhi Mere Dil Pe Pyaar Na Aaye
Jaante Hain Tum Kisi Aur Ko Chahate Ho,
Phir Bhi Tera Woh Inkaar Aaj Bhi Hume Tadpaaye,
Teri Yaadon Ke Saaye Aaj Bhi Hume Sataaye,
Tune Pal-Pal Kiye Hain,Anjaane Me Waar Iss Dil Par,
Par Tere Har Woh Sitam Aaj Bhi Mere Dil Ko Dukhaaye.
Bas Yahi Sawal Hai,
Kyun Tuje Kabhi Mere Dil Pe Pyaar Na Aaye
Hasti Hoon,Muskurati Hoon,
Yun Hi Tere Gham Me Jeeye Jaa Rahi Hoon.
Tere Saath Woh Beeta Harpal Aaj Muje Rulaaye
Tere Liye Apne Har Jazbaaton Ko Dabaaye
Par Kabhi Na Maine Tuje Apne Zakham Dikhaaye…..
Bas Yahi Sawal Hai,
Kyun Tuje Mere Dil Pe Kabhi Pyaar Na Aaye
Tu Khush Rahe ,Abaad Rahe
Khushiyan Itni Mile Ki Tu Sada Muskuraaye,
Jo Gham-E-Dard Mere Dil Ne Sahe
Woh Dard Ka Bojh Tera Dil Kabhi Na Uthaaye
Hume Toh Khair Tera Pyaar Naseeb Nahi
Par Aaj Dil Se Ek Dua Karti Hoon,
Tuje Tera Pyaar Miljaaye…..”