Tujh ko maine pyar kiya par

Tujh Ko Maine Pyar Kiya Par , Ik Pyas Adhuri Chodi Hai
Jis Lamha Tujh Ko Chua Darmiyan , Thodi Duri Chodi Hai
Jab Khat Tujhko Likhne Baithe , Sab Kam Ke Mudde Soch Liye
Jab Likha Bas To Ye Aur Wo , Wo Baat Zaruri Chodi Hai
Jab Poochee Un Se Pyar Kee Bat , Leke Apne Hathon Men Hath
Inkar Kiya Lab Se Ankhon Men , Ik Mazooree Chhodee Hai
Jis Ne Jhank Lia Ankhon Men ,Samajh Gaya Too Dil Men Hai
Jaise Mandir Ke Bahar Toone , Jooton Kee Jodee Chhodee Hai
Teree Khushboo Bikhar Gayee , Main Aya Jab Is Mahfil Men
Abhee To Hamne Apnee Sans , Bas Thodee Thodee Chhodee Hai
Sagar Tak Bah Kar Ayee , Par Nadee Aj Ye Meethee Hai
Jane Kyon Is Sagar Ne , Wo Nadee Kunwaree Chhodee Hai
Ankhen Khol Bhee Degee To , Rah Loonga Raat Ke Sapne Men
Mere Jaise Kaidee Ne Kab , Ye Char-Deewaree Chhodee Hai
Chand Bhee Chahe Ham Aur Tum , Uske Des Men Rah Ayen
Chandni Kahtee Jisko Duniya , Chand Ne Seedhee Chhodee Hai
Jeeta Hoon To Lashon Jaise Main ,Sans Magar Leta Bhee Hoon
Ye Jan Adhooree Lee Usne ,Ye Jan Adhooree Chhodee Hai
Waqt-E-Wasl Kabhee Na Tum , Khud Ko Yoon Lachar Kaho
Pyar Jo Karata Hai Usne Kab , Kuch Mazbooree Chhodee Hai
Ham Jee Ke Pyar Ye Hamara , Asman Tak Lejaayenge
Ye Doulat Sath Men Hogee , Na Footee Koudee Chhodee Hai
Beech Men Ab Tere Aur Mere , Aye Koyee Kaise Aye
Toone Koyee Dooree Chodi Hai , Na Maine Dooree Chhodee Hai
Jo Baat Tay Karane Ko Ham , Dono Aaj Yahan Aye
Sou Bat Kareen Hamne Tumne ,Wo Baat Adhooree Chhodee Hai
Waheen Ruka Rahoonga Main Ab Usko Hee Nibha Loonga
Jo Nazdeekee De Dee Toone Jo Bhee Dooree Chhodee Hai