Tum aur fareb khaao bayaan e raqiib

Tum Aur Fareb Khaao Bayaan E Raqiib Se
Tum Se To Kam Gilaa Hai Ziyaadaa Nasiib Se
Goyaa Tumhaarii Yaad Hii Meraa Ilaaj Hai
Hotaa Hai Paharon Zikr Tumhaaraa Tabiib Se
Barabaad E Dil Kaa Aakhirii Saramaayaa Thii Ummiid
Vo Bhii To Tum Ne Chhiin Liyaa Mujh Gariib Se
Dhundhalaa Chalii Nigaah Dam E Vaapasii Hai Ab
Aa Paas Aa Ke Dekh Luun Tujh Ko Qariib Se