Tum bas mere khayaalon mein raho dekho

Tum Bas Mere Khayaalon Mein Raho
Dekho Kaheen Ru-B-Ru Na Ho Jaana,
Mai Dil Ki Baatein Kehne Mai
Aksar Chook Jaata Hoon
Dekho Tum Mujhse Koi, Ummeed Na Lagaana,
Tum Bas Mere Khayaalon Me Raho
Dekho Kaheen Ru-B-Ru Na Ho Jaana,
Ye Nazrein Kuchh Chhupa Nahi Paati Hai
Inme Tumhaari Hi Jhalak Nazar Aati Hai
Tum Mujhse Kabhi Apni Nazrein Na Milaana,
Tum Bas Mere Khayaalon Me Raho
Dekho Kaheen Ru-B-Ru Na Ho Jaana,
Maine Apni Kuchh Majbooriyon Ko
Is Dil Me Dafan Kar Rak.Kha Hai
Tum Is Dil Par Apna Koi, Daavaa Bhi Na Jataana,
Kuchh Bhi Aasaan Nahi Meri Raahon Me
Koi Jan.Nat Bhi Nahi Meri In Bahon Me,
Mohobbat Ka Falsafa Kuchh Or Hai
Meri Is Duniyaa Ka
Dekho Baaki Umr Ke Khaatir,Tum Koi Dard Na Kamaana,
Tum Mere Khayaalon Me Hi Raho
Dekho Kaheen Ru-B-Ru Na Ho Jaana.