Un se hamein kuchh kaam nahin hai

Un Se Hamein Kuchh Kaam Nahin Hai
Dil Ko Magar Aaraam Nahin Hai
Meri Tabaahi Meraa Muqaddar
Aap Pe Kuchh Ilzaam Nahin Hai
Ishq Hai Aisaa Aalam Jis Mein
Subah Nahin Hai Shaam Nahin Hai
[Aalam=state]
Husn Ke Jalve Maangane Vaalo
Ishq Ki Daulat Aam Nahin Hai
[Aam=common]
Ham Ko Na Apanaa Kah Ke Pukaaro
Ye To Hamaaraa Naam Nahin Hai
Itanaa Bhi Kyaa “Sheri” Se Takalluf
Aisaa To Vo Badanaam Nahin Hai