Uqoobat ke pare aur ess muhabbat ne

Uqoobat Ke Pare Aur Ess Muhabbat Ne Diyaa Kyaa Hai
Yahaan Badalaa Vafaa Kaa Bevafaaii Ke Sivaa Kyaa Hai
Bajuz Aah-O-Fughaan-O-Dard-O-Gham Tujh Se Mila Kya Hai
Jo Kar De Be-Ta’aalluk Gam Se Aakhir Voh Davaa Kyaa Hai

Masiihaa Lagta Hai Har Shakhs Jis Ko Ham Ne Hai Dekha
Hai Parda Poshon Ka Bhee Shehr! Dunya Ko Huaa Kya Hai
Adaavat, Be-Wafaaii, Waada-Shiknii Aur Dagha-Baazi
Khumaar-E-Ishq Men Allhar Hasiinon Kee Adaa Kyaa Hai
Main Hamdam Huun Tera Rashk-O-Raqaabat Yuun Na Kar Mujhse
Tuu Ban Kar Mehrbaan Itna Bataa Merii Khataa Kyaa Hai
Liya Har Ranj-O-Gham Mein Aap Ne Naam-E-Khudaa ‘Mayank’
Mere Gham Khwaar Kehte Hain Khuda Kya Hai, Khudaa Kyaa Hai