Wo bulaayein to kiya tamaasha ho hum

Wo Bulaayein To Kiya Tamaasha Ho
Hum Na Jaayein To Kiya Tamaasha Ho
Ye Kinaaron Se Khelney Waaley
Doob Jaayein To Kiya Tamaasha Ho
Banda Parvar Jo Hum Pe Guzri Hai
Hum Bataayein To Kiya Tamaasha Ho
Aaj Hum Bhi Teri Wafaa’on Par
Muskuraayein To Kiya Tamaasha Ho
Teri Soorat Jo Ittefaaq Se Hum
Bhool Jaayein To Kiya Tamaasha Ho
Waqt Ki Chand Sa’atein Sagar
Lautt Aayein To Kiya Tamaasha Ho