Woh ik band seep hai jis kay

Woh Ik Band Seep Hai
Jis Kay Batin Ka Moti ,Kisi Nay Nahin Dekha
Jis Kay Zahir Ko,Koi Pasand Nahin Karta
Woh Ik Band Seep Hai
Us Nay Apnay Husn Ko,Qaid Kar Rakha Hai
Uskay Dil Ki Duniya,Kisi Nay Nahin Dekhi
Woh Ik Band Seep Hai
Apni Pakeezgi Par Usay Naz Hai
Apni Sachai Say Usay Piyar Hai
Apni Naqadri Ka Usay Gila Nahin
Apni Gumnami Ka Usay Afsoos Nahin
Woh Ik Band Seep Hai
Uskay Husn Ka Koi Parstar Nahin
Uskay Piyar Ka Koi Dawaydar Nahin
Usay Hasrat Hai Apni Pehchan Ki Shayad
Usay Mohabat Hai Apni Tanhai Say Shayad
Woh To Ik Band Seep Hai