Zabth ka imtihaan na ho jaye shama e hasti

Zabth Ka Imtihaan Na Ho Jaye
Shama-E-Hasti Dhuaan Na Ho Jaye
Ghum-E-Aalam Raqam Hua Jis Mein
Woh Meri Dastaan Na Ho Jaye
Sar-E-Mehfil Tumhari Aankhon Se
Raaz-E-Ulfath Ayaan Na Ho Jaye
Naala-E- Andaleeb-E-Gulshan-E-Ghum
Meri Tarz-E-Fughaan Na Ho Jaye
Meri Jaanib Nigah-E-Mast Uthii
Hosh Ka Imtihaan Na Ho Jaye
Khana-E-Dil Se Jo Uthii Hai Sada
Shor-E-Kaun-O-Makaan Na Ho Jaye
Maut Ke Dar Tak Aa Gaye Daanish
Zindagi Mehrbaan Na Ho Jaye