Zindaagi wyapaar yahan per chaandi kaa nahi

Zindaagi Wyapaar Yahan Per
Chaandi Kaa Wyapaar Nahi
Hai Sansar Yeh Dhaniyon Kaa
Dukhiyon Kaa Yeh Sansaar Nahi
Yahan Jawani Ke Dil Per
Armaan Mitaaye Jaatey Hain
Aur Aankh Ke Paani Se
Insaan Banaaye Jaatey Hain
Yahan Kali Ke Aanchal Mein
Zehreeli Naagin Sotee Hain
Madhubaala Ke Daaman Mein
Bas Vish Kii Jwaala Hoti Hain
Kaale-Neeley Patthar Ke Tukre
Bhagwan Yahan Per Bann-Tey Hain
Sukh-Sukh Haathon Ke Chaaley
Zakhmi Dil Per Hanstey Hain
Nark Bani Hain Duniya Saari
Swarg Yaad Mein Laaya Hoon
Main Vidhroh Kaa Baadal Hoon
Vidhroh Karaane Aaya Hoon