Zindagi meri pur aafaat ho gaee hai

Zindagi Meri Pur Aafaat Ho Gaee Hai
Jaise Beemaar Hoon Aur Raat Ho Gaee Hai
Ey Junoon Haath Grebaan Ke Qareeb Hai Kis Ka
Shayed Phir Un Se Mulaqaat Ho Gaee Hai
Aaj Phir Zakhm Se Khoon Risne Laga Hai Mere
Baarish- E-Lutf-O-Inayaat Ho Gaee Hai
Apni Qismat Ki Siyaahi Na Dhuli Per Na Dhuli
Khatm Ab Ashkon Ki Barsaat Ho Gaee Hai
Kitni Mushkil Se Gham-E-Dost Ko Bhoola Tha Mushi
Ey Ghazab Phir Se Shiru-Aat Ho Gaee Hai