Haq wafa ka jo ham jatane lage

haq wafa ka jo ham jatane lage
ap kuch kah k muskurane lage
ham ko jina parega furqat mein
wo agar himmat azmane lage
dar hai meri zuban na khul jaye
ab wo baten bahut banane lage
jan bachti nazar nahin ati
gair ulfat bahut jatane lage
tum ko karna parega uzr-e-jafa
ham agar dard-e-dil sunane lage
bahut mushkil hai shewa-e-taslim
ham bhi akhir ko ji churane lage
waqt-e-rukhsat tha sakht “Nirmal” par
ham bhi baithe the jab wo jane lage…