Meri viran jindgi ko ek chaman banaya

Meri viran jindgi ko ek chaman banaya hai tumne
Sukhe gulshan ko sinch-sinch kai phool khilaya hai tumne
Aansuo ke sagar main jindgi meri dubi thi
Apni chahat ki naiya se par lagaya hai tumne
Apni aagosh main lene ko aayi maut mere dar tak
Mujhko Dil ke ek kone main fir aaj chhupaya hai tumne
Main ek bejan si murat thi tanhai mera sathi tha
Mere jivan ki rajni main ek diya jalaya hai tumne
Sangharsh bhare iss jivan se main dar gayi thi lar-lar kar
Jine ki himmat dekar mujhe jeet dilaya hai tumne
Aisa kuchh mere pas nahi jo tujhko bhi main de paun
Pyar ki daulat dekar ke mujhe rini banaya hai tumne.