Aaj tumse ek vaada karti houn main

Aaj Tumse Ek Vaada Karti Houn Main
Bas Sirf Tumse Mohabbat Kiye Jaaungi
Ek Shikan Na Aane Dungi Tumhare Maathe Par
Tumhari Dunya Pyar Aur Sirf Pyar Se Bharungi
Kabhi Akela Nahi Chhodungi, Hamesha Saath Dungi
Tumhare Liye Main Dunya Se Bhi Ladungi
Kuch Kehne Ki Zaroorat Na Hogi Tumhe
Tumhare Dil Ki Baat Tumhari Aankhon Se Padhungi
Jahan Bhi Tum Jaaoge Tumhare Peeche Chaliaaungi
Tumhare Liye Apni Saari Raahein Modungi
Apna Muqaddar Bana Liya Hai Ab To Tumhe Humne
Tumhare Liye Ghar Kya Main Ye Jahan Bhi Chhodungi
Aaungi Ek Din Tumhare Ghar Ki Rounak Bankar
Mera Naam Tumhare Naam Se Hamesha Ke Liye Jodungi
Beintehaa Pyar Dungi Kabhi Ise Kam Na Hone Dungi
Ye Mera Vaada Hai Tumse, Isse Kabhi Nahi Todungi