Aankhain hans rahi hain aur dil udaas

Aankhain Hans Rahi Hain Aur Dil Udaas Hai
Bujh Kar Na Bujh Sakay Yeh Kaisi Piyas Hai
Visaal Kay Mausam Men Bhi Ab Milnay Na Aaya Kar
Is Dil Ko Ab Hijr Ka Mausam Hi Raas Hai
Betha Raha Raat Gaye Tuk Diya Jala Kay
Shaed Is Dil Ko Taray Aanay Ki Aas Hai
Teray Vajood Ki Mahak Hai Keh Aayi Bahaar Hai
Ya Kamray Men Abhi Tuk Unhi Phoolon Ki Baas Hai
Aaja Keh Is Chaman Men Bahar Aayi Hai
Phool Khil Uthay Hain Shabnam Say Bhigi Si Ghaas Hai
Woh Janta Bhi Hai Aur Samajhta Bhi Hai Mujhay
Woh Bohat Mauqa Faham Hai Aur Khud Shanaas Hai