Bacha hi kya hai so hud se

Bacha Hi Kya Hai So Hud Se Guzar Ke Dekhtay Hain
Ke Toot Kab Ke Chuke Par Ab Bikhar Ke Dekhtay Hain
Suna Hai Jo Bhi Gaya Us Ko Mil Gayii Manzil
So Uski Raah Se Hum Bhi Guzar Ke Dekhtay Hain
Sitara Aik Abhi Aasman Pe Baqi Hai
Kuch Intezaar Zara Aur Kar Ke Dekhtay Hain
Hum Hi Ko Rakhna Hai Qayam Waqar Is Ghar Ka
So Chal Ke Naqsh-E-Qadam Par Padar Ke Dekhtay Hain
Bas Ek Jhalak Se To Milta Nahin Nazar Ko Qarar
Jo Dekhtay Hain To Phir Aankh Bhar Ke Dekhtay Hain
Sukoon Paa Na Sakey Jab Kisi Tarha Neha
To Ab Yai Soch Rahee Hai Ke Mar Ke Dekhtay Hain