Bahut chupp chaap se rehne lagi ho

Bahut Chupp Chaap Se Rehne Lagi Ho
Harr Ik Ghum Tum Hie Kiyon Sehne Lagi Ho
Zuban Iqraar Kar Lay Tou Main Aaoon
Jo Kuch Aankhon Se Tum Kehne Lagi Ho
Yaqeen Kar Lou K Mere Baad Se Tum
Harasaan Chand Ho Gehne Lagi Ho
Bohat Mazboot Aasabon Ki Malik
Gharondon Ki Tarah Dehne Lagi Ho
Bazahir Pursakoon Andar Se Be Kal
Samandar Ki Tarah Rehne Lagi Ho
Nahin Samjhay Gi Ye Dunya Tumhain Bhi
Harr Ik Se Dil Ki Kiyon Kehne Lagi Ho
Mera Sab Le Gaeen Selaab Ban Kar
Aur Abb Ban Kar Nadi Behne Lagi Ho.