Chandni raat mein taaron ki numaish hai

Chandni Raat Mein Taaron Ki Numaish Hai Main Tumhe Jagaaun
Iss Soye Jaage Chehre Par Apni Mohar Lagaaun.
Aao Sanam, Kareeb Aao, Ki Tumse Lipat Jaaun
Jo Aajtak Tumse Na Kaha, Woh Ab Tumhe Batlaaun.
Chum Kar Tumhe Iss Kadar, Aise Pagal Kar Jaaun
Jo Baat Alfaaz Na Keh Paye, Labon Se Tumhe Samjhaun.
Saaya Bhi Tum Mein Bus Jaye, Kuch Aise Sama Jaun
Ek Hokar Tumse, Tum Hi Mein Ghum Ho Jaaun
Ghum Jaaun To Iss Qadar Ki Sari Duniya Bhulaaun
Tumhe Bekaraar Banaaun, Tumhari Neend Bhi Main Churaaun.
Tumhari Baahon Ki Garmi Se Kuch Aise Pighal Jaaun
Ek Pal Mein Hosh Gawa Kar Phir Sambhal Na Paaun
Aao Ki Iss Haseen Raat Mein Taron Ko Gawah Banaaun
Tum Mere Humesha Ke Liye, Aur Main Tumhari Ho Jaun