Daykh kay tabiyat machal gaye nerm gulaabi

Daykh Kay Tabiyat Machal Gaye Nerm Gulaabi Gaal
Us Pay Phir Ghanghor Ghata Say Lambay Lambay Baal
Chan Chan Kerti Payal Ka Shor Tha Mast Hawaon Main
Badal Gaee Sun Ker Yeh Aakhir Mausam Ki Bhi Chaal
Maathey Ki Bindiya To Jaisay Raat Ka Tara Lagtee Thee
Bhool Gaye Perwaney Sab Tareeki Main Guzray Saal
Saanson Ki Khushboo Say Lagta Raat Ki Rani Mehkay Hai
Kaliyaan Ghum Main Doob Gaeen Daykha Jo Un Ka Jamal
Baat Karay To Phool Jharain Hansay To Waqt Theher Jaye
Jaan Saka Na Koi Haqeeqat Mila Saka Na Taal
Maloon Nahin Kuch Shaiki Ko Yeh Husan Kahan Say Laye
Poocha To Wo Kehnay Lagay Sab Kudrat Ka Hai Kamal