Hum nay jeewan jaysa socha ho sakta

Hum Nay Jeewan Jaysa Socha Ho Sakta Hay
Laykin Yeh Bhi Aankh Ka Dhoka Ho Sakta Hay
Khushboo Titli Chand Sitara Aur Gulaab
Ab Tum Khud Socho Woh Kaisa Ho Sakta Hay
Hum Mehfil Main Us Ki Baat Nahin Kartay Hain
Woh Baaton Say Bhi To Mayla Ho Sakta Hay
Teri Aankhain Bhi Bay Khaab Nazar Aati Hain
Is Ka Matlab Hay Ab Waada Ho Sakta Hay
Aandhi Main Jo Tinka Tinka Jora Tha
Ik Jhonkay Say Tinka Tinka Ho Sakta Hay