Iss say pehlay kay waqat ka karwaan

Iss Say Pehlay Kay
Waqat Ka Karwaan Guzar Jayey
Tum Apnay Jazboon Ki
Sachaiyaan Meray Naam Kar Do
Iss Say Pehlay Kay
Sunnata Tanhaii Kay Zehar Mein Dhalnay Lagay
Tum Apni Mohabbat Ka
Jam-E-Hayaat Meray Naam Kar Do
Iss Say Pehlay Kay
Zindagi Ki Shaamein Dhal Jayey
Tum Apnay Zindagi Ki
Koii Naii Subhaa Meray Naam Kar Do
Iss Say Pehlay Kay
Yeh Lamhay,Yeh Gharriyaan
Taqdir Kay Hathoon Guum Ho Jaayein
Tum Mera Ek Kaam Kar Do
Apnay Dil Ki Dharkanein Meray Naam Kar Do