Jitna ji chahey tu aaj sataa le

Jitna Ji Chahey Tu Aaj Sataa Le Mujh Ko,
Yaad Jo Aaoon To Jab Chahey Bula Le Mujh Ko,
Apni Aankhon Ka Haseen Khawaab Bana Le Mujh Ko,
Bana Phool Hi Kolar Pe Saja Le Mujh Ko,
Mein Tere Paas, Bohat Paas, Bohat Paas Rahoon,
Dil Ki Dharkan Hi Bana Seeney Me Chhupa Le Mujh Ko,
Dil Ki Tammana Na Dhal Jayey Kaheen Hasrat Mein,
Meri Rukhsat Se Qabl Ik Baar Gale Laga Le Mujh Ko,
Teri Aankhon Mein Yeh Dukh Ka Samandar Kaisa?
Raz-E-Dil Na Sahi, Gham-E-Dil Hi Suna Le Mujh Ko,
Mein Agar Kuchh Bhi Nahi Hoon To Phir Janey De,
Warna Sarmaya-E-Hastee Bana Le Mujh Ko,
Rab Se Maanga Hi Nahi Kuchh Teri Muhhabat Ke Siwa,
De Na Paya Tujay To Phir Duniya Se Utha Le Mujh Ko.