Kaash main unki ghazal ka qaafiya hoti

Kaash Main Unki Ghazal Ka Qaafiya Hoti,
Labon Pe Rahati Kabhi Dil Ke Darmiya’n Hoti,
Aana Hai Roz Mayakhaanon Mein Unka,
Rishta Hai Kuchh Paimaanon Se Unka,
Pata Hota To Main Bhi Saaqiya Hoti,
Kaash Main Unki Ghazal Ka Qaafiya Hoti,
Dhoop Sah Leti, Barsaat Sah Leti,
Kuchh Na Kehati Her Baat Sah Leti,
Unki Khidmat Mein Ager Main Aashiya Hoti,
Kaash Main Unki Ghazal Ka Qaafiya Hoti,
Meharbaan Ho Jaati Nazer Ik Baar Unki,
Tamanna Meri Ban Jaati Dulhan Ik Baar Unki,
Phir Zindagi Saari Kyun Na Dard-E-Takhliya Hoti,
Kaash Main Unki Ghazal Ka Qaafiya Hoti,
Lekar Koi Bahaana Wo Ik Raat Aa Jaate,
Do Qadam Chalkar Wo Mere Paas Aa Jaate,
Na Pal Guzerta Wo Na Shab Ki Intiha Hoti,
Kaash Main Unki Ghazal Ka Qaafiya Hoti,
Labon Pe Rahati Kabhi Dil Ke Darmiya’n Hoti.

By Sahil Verma