Kadwa ho vish pyala jitna bhi meera

Kadwa Ho Vish Pyala Jitna Bhi,
Meera Ko Peena Padta Hi Hai
Ishq Uska Jeete Ya Haare,
Har Shayar Ko Likhna To Padta Hi Hai.
Jung Jitni Hi Lambi Ho,
Har Sipahi Ko Ladna To Padta Hi Hai..
Paap Koi Kitne Bhi Dhoye,
Ganga Ko Behna To Padta Hi Hai..
Sarp Lipte Ho Jitne Bhi,
Chandan Ko Mehakna To Padta Hi Hai..
Chaah Poori Ho Na Ho,
Us Moorat Ko Poojna To Padta Hi Hai.
Kal Hum Ho Na Hon,
Aaj Ke Liye To Jeena Padta Hi Hai..