Kal jo tha is gulistan ka baagbaan

Kal Jo Tha Is Gulistan Ka Baagbaan
Ab Nahi Wo Hai Humaare Darmiyan
Yad Badli Ban Ke Dil Pe Cha Gayi
Teri Hi Tasweer Hai Dil Me Nihaan
Wo Bahaare, Wo Hawa, Aur Wo Fiza
Ho Gaye Rukhsat, Rahi Ab To Khiza
Har Dar-W-Deewaar Ab To Khamosh Hai
Ghum Se Ghumgeen Hai Humara Karwan
Jab Talak Tu Saath Tha Khush Tha Sama
Tujh Sa Phir‚  Koi‚  Mila Na Rahnuma
De Rahe Hai Hum Mil Ke Tujh Ko Sada
Sun Humaari Ghum Me Dubi Daastan
Rah Se Bhatke Na Koi Hum Me Se
Ban Ke Rahna Tu Sada Hi Paasbaan
Phir Se Aa Jae Jo Is Gulshan Me Tu
Chaye Wo Bad-E-Saba Phir Se Yahan
Dil Ke Armaan Kar Rahe Sijda Yahi
Tere Lahraata Rahe Parcham Yaha