Kuch aise guzarte hain mere din aisi

Kuch Aise Guzarte Hain Mere Din,
Kuch Aisi Guzarti Hain Meri Shaame,
Suraj Ki Kirne Dikhati Hain Tumhara Chehra,
Tumhara Sparsh Karvate Hain Chaand Sitare.
Har Pal Intezar Hota Hai, Aapke Aane Ka,
Har Pal Tadpati Hai Aapki Baatein,
Kuch Aise Guzarte Hain Mere Din,
Kuch Aisi Guzarti Hain Meri Shaame,
Dil Tumhara Dhadakta Hai, Dhadkan Yaha Mehsus Hoti Hai,
Zakhm Tumhe Hota Hai, Aansu Yahan Behte Hai,
Khushiyan Tumhe Milti Hai, Aur Mehsus Main Karti Hun,
Safar Main Tay Karti Hun, Aur Manzil Tum Hote Ho,
Raat Phir Angdai Leti Hai, Dil Phir Bechain Hota Hai,
Palkhen Tum Meechte Ho, Aur Sapne Mere Sajte Hai,
Kuch Aise Hote Hai, Mere Din
Kuch Aise Guzarti Hai, Meri Raatein.