Lut gaye hai kitne raahi mohabbat ki

Lut Gaye Hai Kitne Raahi Mohabbat Ki Rahon Mein,
Aaj Hum Bhi Lut Gaye Teri Nasheeli Nigaahon Mein.
Mauj Hi Mauj Hai Yahaan, Kinaare Nahi Dikhte,
Teri Palko Ke Baadalon Mein, Sitaare Nahi Dikhte.
Gum Hai Duniya Saari, Hum Bhi Bhatak Gaye,
Teri Nazron K Siva Hume Aur Koi, Nazaare Nahi Dikhte.
Dhadkane Bhi Badal Gayi Dubti Hui Aahon Mein…
Aaj Hum Bhi Lut Gaye Teri Nasheeli Nigaahon Mein….
Chup Hai Nigaahein, Honth Bhi Khamosh Hai,
Behek Gayi Hai Saasein, Hawaaein Bhi Madhosh Hai.
Mera Dil Hai Laapataa, Ninde Bhi Gum Hui,
Is Haalat Me Meri, Teri Adaon Ka Dosh Hai.
Sab Kuchh Le Liya, Ab Mujhe Bhi Lelo Apni Baahon Mein…
Aaj Hum Bhi Lut Gaye Teri Nasheeli Nigaahon Mein.