Sooraj kee pehli kirnon se jab rangon

Sooraj Kee Pehli Kirnon Se,
Jab Rangon Ka Gulzaar Khiley,
Tab Rooh K Goshay Goshay Main,
Koi Sat Rangaa Sa Jaal Buney,
Dil Ka Pagal Panchi Tab,
Holay Se Kahin Urr Jata Hai,
Kiya Is Ko Mohabbat Kehte Hain?
Baarish Ki Nanhi Boondain Jab,
Khirki K Sheeshon Se Jhanken,
Our Dhoop Se Mil Ker Paani Jab,
Qous_ E_ Qaza Ka Pull Bandhey,
Dil Ka Pagal Panchi Tab,
Holay Se Kahin Urr Jata Hai,
Kiya Is Ko Mohabbat Kehte Hain?
Jab Dhoop Main Chand Ki Thandak Ho,
Jab Pattjharr Main Bhi Phool Khilen,
Jab Sari Duniya Apni Ho,
Our Dushman Bhi Sab Dost Lagain ,
Dil Ka Pagal Panchi Tab,
Holay Se Kahin Urr Jata Hai,
Kia Is Ko Muhabbat Kehte Hain?